Иако кралската палата најави дека помалку ќе споделува информации за гардеробата на принцезата од Велс, модните ентузијасти лесно ги препознаваат нејзините безвременски избори. Овој пат, Кејт Мидлтон повторно се појави во веќе носено парче – нејзиното омилено палто со потпис на Blaze Milano.
Принцезата од Велс вчера го посети центарот за мајки и бебиња во затворот HMP Styal во Чешир, Англија, каде што се сретна со затворенички, персонал и активисти. За оваа посета, таа носеше палто во бордо нијанса, креирано специјално за неа, комбинирано со ролка, здолниште од Edeline Lee и елегантни кафеави чизми со зашилен врв.
Ова не е првпат Кејт да го носи ова палто – истото го видовме при посетата на The Royal Marsden NHS Foundation Trust, каде што таа и принцот Вилијам се покровители. Ова капутче го носеше и на Божиќната миса во 2021 година, докажувајќи дека софистицираниот стил никогаш не излегува од мода.
Кејт одамна ја носи титулата „кралица на капутите“, а нејзината љубов кон префинетите кроеви ја покажува преку модели од британските дизајнери Alexander McQueen и Catherine Walker.
Без разлика дали станува збор за двојно закопчани палта или структуриран смокинг стил, принцезата останува верна на беспрекорната елеганција.
Извор- Vogue.com
Macedonian 
English