Изминатиов викенд се случи уште едно предоскаровско загревање со доделување на САГ наградите или Screen Actors Guild Awards.
Овие награди, традиционално, даваат мал увид во тоа кои актери, режисери и филмови би можеле да се закитат со најпрестижната награда Оскар.
Домаќинка на настанот беше актерката од Gossip Girl Кристен Бел. На 31-то по ред издание главната награда припадна на психолошкиот трилер за изборот на нов папа, „Conclave“, додека наградите за најдобри актери во главна улога ги добија Тимоти Шаламе (A Complete Unknown) и Деми Мур (The Substance).
Покрај младите актерски имиња како Ариана Гранде и Селена Гомез, црвениот тепих беше почестен и со присуство на филмски ветерани како легендарната Џејн Фонда која ја доби наградата за животно дело.
Црвениот тепих одговори во целост на очекувањата. Софистицирани и елегантни изданија од познати дизајнери продефилираа пред објективите, ставајќи акцент на црната боја и суптилно нагласената женска фигура.
Некои од дамите одбраа сиви нијанси, а имаше и такви коишто решија да облечат костум.
Во продолжение погледнете ја галеријата:
Фото: Getty
Macedonian 
English