Деловниот изглед не мора да биде здодевен или ограничен на класичните парчиња што ги повторуваме секоја недела. Напротив, со малку креативност и правилно одбрани комбинации, секој работен ден може да биде нова модна изјава.
Современата жена знае дека изгледот во канцеларија зборува многу за неа, не само за нејзиниот стил, туку и за нејзината самодоверба и професионалност.
Клучот е во балансирањето – комфор и елеганција, тренд и класика. Безвременски блејзер, квалитетна кошула, добро скроени панталони или миди здолниште се основата на речиси секоја канцелариска комбинација.
Комбинирajte неутрални бои со суптилни детали како впечатлива чанта, интересни обувки или модерен часовник. Тие ќе го поткренат вашиот аутфит на едно повисоко ниво.
Не заборавајте и на материјалите – природните ткаенини како памук, лен или волна нудат и удобност и софистициран изглед. Во зависност од вашата работна средина, можете да си дозволите и нешто посмело-пример плисирано здолниште во пастелна боја или кошула со нежен принт.
Секој ден е нова можност за стилски израз, затоа оставете впечаток што ќе трае.
Фото:Pinterest
Macedonian 
English