Во Њујорк се одржа петтото издание на The King’s Trust Global Galа, настан кој важи за еден од најгламурозните на њујоршката социјална сцена. Организиран како дел од активностите поврзани со посетата на кралот Чарлс III во САД, гала вечерта имаше силна хуманитарна нота.
Целта на галата е поддршка на младите преку организацијата која со децении им помага во образование, вработување и развој.
Настанот се одржа во елитна атмосфера, со внимателно одбран список на гости од светот на модата, музиката, филмот и општествениот живот. Меѓу најзабележаните имиња беа супермоделот Иман, која доминираше на црвениот тепих.
Присутни беа и големи имиња од модната индустрија како Донатела Версаче, Стела Мекартни, Ана Винтур…. Музичката димензија пак, ја засили присуството на Лајонел Ричи кој има долга поврзаност со организацијата.
Дрес-кодот на вечерта се движеше во рамки на класичен black-tie со силен моден израз, каде доминираа елегантни вечерни тоалети, драматични силуети и висока мода.
Она што го издвојува овој настан не е само стилот, туку и неговата порака, спој на мода, уметност и филантропија.
Во атмосфера исполнета со музика, уметност и висока естетика, вечерта заврши како вистинска прослава на глобалната креативна сцена, но и на идејата дека модата може да има вистинско влијание.