Со доаѓањето на есента, гардеробата добива нова свежина и енергија. Топлите летни комбинации постепено им отстапуваат место на парчиња кои носат елеганција, длабочина и префинетост.
Оваа сезона, без конкуренција, најголемиот моден фаворит е миди, кожното здолниште, парче кое совршено ја доловува есенската естетика и го подигнува секојдневниот стил на повисоко ниво.
Миди должината одамна е синоним за женственост и елеганција, но во комбинација со кожа добива дополнителна димензија, моќ, став и урбан шарм.
Без разлика дали е изработено од класична мазна кожа, трендовска еко-кожа или мат текстура со релјефни детали, ова здолниште ја спојува практичноста со модната храброст.
Како се носи оваа сезона?
Со класични чизми до колена или чизми со дебел ѓон — совршена комбинација за есенски прошетки. Во пар со мек џемпер или ролка, за баланс меѓу силата на кожата и удобноста на плетенината.
Со структурирано сако за канцелариски шик или со oversized палто за современ уличен изглед. За вечерни излегувања, миди коженото здолниште совршено се комбинира со сатенска кошула и високи потпетици.
Macedonian 
English