Плетен фустан и чизми - комбинација што секогаш освојува

Плетениот фустан и чизмите се комбинација на која секогаш можеме да се потпреме кога е ладно.

Удобни, топли и лесни за комбинирање, овие две парчиња создаваат изглед што може да биде лежерен, елегантен, впечатлив... Најдобро од сè е што не се потребни многу парчиња за комбинацијата да изгледа комплетно.

Должината и кројот прават разлика

При изборот на плетен фустан, најважно е да го пронајдеме кројот во кој се чувствуваме удобно и самоуверено. Моделите со нагласена половина создаваат поизразена силуета, додека пошироките, опуштени кроеви се одлични за секојдневни комбинации. Миди-должината е особено практична бидејќи лесно се вклопува со високи чизми, а пократките модели изгледаат одлично со чизми до колена и долг капут.

Класични чизми или модели со подебел ѓон?

Високите чизми со рамен ѓон или умерена потпетица се одличен избор за елегантен и уреден изглед. Особено убаво се комбинираат со плетени фустани во беж, кремава, сива и чоколаднокафена боја. Од друга страна, чизмите со подебел ѓон внесуваат поурбан карактер и создаваат интересен контраст со меката текстура на плетивото. Токму оваа разлика меѓу нежното и понагласеното е добар начин класичната комбинација да добие посовремен изглед.

Кои бои најлесно се комбинираат?

Црниот плетен фустан е класика што лесно се комбинира со црни чизми, но и со модели во коњак или темнокафена боја. Кремавите и беж нијансите внесуваат мекост, додека сивата е одлична основа за минималистички комбинации. За оние што сакаат малку повеќе боја, бордото, темнозелената и чоколаднокафената се интересни избори за студената сезона. 

Капутот и модните додатоци го комплетираат изгледот

Долг волнен капут, блејзер или кожена јакна можат целосно да го променат впечатокот што го остава плетениот фустан. За елегантна комбинација, доволни се структурирана чанта и дискретен накит, додека поголем шал или впечатлив ремен можат да внесат дополнителна текстура и карактер. Ако фустанот е поширок, ременот може да ја нагласи половината, а кај моделите што следат по линијата на телото подобро е додатоците да останат едноставни.

Плетениот фустан и чизмите се комбинација што не бара многу планирање, а остава простор за различни стилски изрази. Со промена на обувките, капутот или чантата, истото парче може секогаш да изгледа поинаку. Затоа, наместо да следиме краткотрајни трендови, вреди да избереме квалитетен плетен фустан што лесно ќе го комбинираме со обувките што веќе ги имаме во гардеробата.