Летниот одмор е совршена можност да уживате во лесни и удобни комбинации, а токму шеширот и кафтанот се парчињата се задолжени за тоа. Освен што изгледаат стилски, тие нудат и практична заштита од силното сонце, па затоа со години остануваат неизоставен дел од летната гардероба.
Сламен шешир – класика што никогаш не излегува од мода
Широките сламени шешири се најпопуларен избор за плажа. Тие го штитат лицето, вратот и рамениците од сончевите зраци, а истовремено внесуваат доза на софистицираност во секој стајлинг. Ваквиот шешир секогаш изгледа впечатливо.
Кафтанот – најлесниот начин да изгледате средено
Кафтанот е идеално решение кога сакате брзо да се покриете по капењето или да заминете на ручек покрај плажа. Долгите модели од лен, памук или проѕирен шифон изгледаат елегантно, додека пократките верзии се одлични за поопуштен и младешки стил.
Како да ги комбинирате?
За хармоничен изглед, одберете кафтан во нијанса што се надополнува со костимот за капење. Ако костимот е со впечатлив дезен, нека кафтанот биде еднобоен. Доколку, пак, носите едноставен костим, можете да внесете динамика со шарен кафтан или впечатливи етно мотиви.
Не заборавајте и на практичноста
Покрај тоа што се моден избор, шеширот и кафтанот имаат и важна практична улога. Шеширот помага да се намали директната изложеност на сонце, а лесниот кафтан овозможува кожата да дише и нуди дополнителна заштита додека се движите надвор од водата.
Малите детали ја прават разликата
Очила за сонце, марама врзана околу шеширот, плетен ремен или впечатливи обетки можат целосно да го трансформираат плажниот стајлинг. Не е потребно да носите многу модни додатоци, доволни се неколку внимателно избрани детали за да изгледате елегантно, модерно и подготвено за секоја летна фотографија.