Маскирани, вевчанци со сатира и хумор ќе ги прикажат настаните од изминатата година, зачувувајќи речиси 15-вековна традиција. Карневалот, кој се верува дека со маските го брка злото и носи прочистување, ја дочекува Новата година според Јулијанскиот календар со порака за промена на негативните случувања во општеството.
Дефилето почнува околу пладне, од почетокот на селото, движејќи се низ главната улица до центарот, каде што маскираните ќе го заиграат традиционалното василичарско оро. Прославата продолжува вечерта со огномет и настапи на „Љубојна“, Наум Петрески, оркестарот „Вевчани“, како и Перо Бели и Коки Биоритам.
На 14 јануари, манифестацијата завршува со симболично палење на маските во центарот на Вевчани, означувајќи крај на старите грижи и почеток на нови надежи.
Минатата година, по 20 години, Вевчанскиот карневал повторно стана дел од Федерацијата на европски карневалски градови, промовирајќи го карневалот, Вевчани и Македонија на европската сцена.
Macedonian 
English