Во историјата на архитектурата постојат градби кои не се само куќи или палати, туку вистински драми од камен. Една од најпознатите е Castle Howard, огромна аристократска резиденција во Јоркшир, Англија, која денес се смета за едно од највпечатливите приватни палати во Европа.
Но приказната зад оваа грандиозна куќа е сè освен мирна.
Куќа што требало да ги воодушеви сите
На крајот на XVII век, британскиот благородник Charles Howard решил да изгради куќа која ќе ја демонстрира моќта и богатството на неговото семејство. Наместо традиционален архитект, тој го ангажирал драматургот John Vanbrugh, човек познат повеќе по театар отколку по архитектура.
Одлуката била скандалозна за времето. Многумина сметале дека е лудо драмски писател да проектира палата.
Но токму таа драматичност станала клучот на проектот.
Архитектура како театар
Архитектура како театарЗаедно со архитектот Nicholas Hawksmoor, Ванбру изградил нешто што Англија дотогаш не го видела, барокна палата со огромна купола, монументални колонади и раскошни фасади.
Изградбата започнала во 1701 година и се претворила во вистинска сага. Проектот бил толку амбициозен што куќата се градела повеќе од еден век.
Во тоа време архитектите биле жестоко критикувани. Некои велеле дека куќата е „преголема“, други дека е „театарска и претерана“.
Но токму таа театралност ја направила легендарна.
Драмата продолжува и внатре
Драмата продолжува и внатреСо векови палатата останала дом на семејството Хауард. Но мирот ретко траел долго.
Во 1940 година, за време на Втората светска војна, избувнал огромен пожар кој уништил дел од палатата, вклучувајќи ја и нејзината спектакуларна купола и неколку државни сали.
Внатрешноста била исполнета со уметнички дела, фрески и скулптури, а дел од нив биле засекогаш изгубени.
Семејството морало да донесе тешка одлука, дали да ја напушти палатата или да ја реставрира.
Тие ја избрале втората опција.
Куќа што стана филмска ѕвезда
Куќа што стана филмска ѕвездаПо децении реставрација, Castle Howard повторно стана архитектонска сензација.
Нејзината грандиозна архитектура e толку впечатлива што стана сцена за бројни филмови и серии, меѓу кои и познатата телевизиска драма Brideshead Revisited и поновите историски продукции.
Денес палатата е една од најпознатите историски куќи во Британија, место кое привлекува архитекти, историчари и туристи од целиот свет.
Кога архитектурата станува приказна
Castle Howard не е само куќа. Таа е доказ дека архитектурата може да биде исто толку драматична како и театарот.
Создадена од драматург, критикувана од современиците, погодена од пожар и повторно издигната од пепелта, оваа палата денес стои како еден од највпечатливите примери како една куќа може да стане светски архитектонски мит.
Н.Т