Боите на сезоната: Една боја посебно ќе ве изненади

Суштината на есенските колоритни правила не е во слепо следење на палетата, туку во смелоста да се избере една боја со јасен став.

Есента традиционално носи смирување на тоновите, но водечките светски модни медиуми како Vogue, Harper's Bazaar и Who What Wear се сложни во едно, оваа сезона модата одбива да шепоти.

По неколку години доминација на таканаречениот „тивок луксуз“ (quiet luxury) и неутралните беж тонови, пистите за есен/зима ги пречекаа храбрите, заситени и архитектурално силни пигменти.

Еве кои бои го дефинираат новиот моден канон оваа есен и каква инспирација носат.

Водечките Палети за Есента

Кралско виолетова и богата патлиџан-боја (Deep Aubergine & Royal Purple)

Зошто токму таа: Патлиџан-бојата и длабоките виолетови тонови официјално ја преземаат улогата на „новата црна“. Релевантните анализи на Vogue ја истакнуваат оваа нијанса како моќен неутрален тон кој носи доза театарска софистицираност и мистичност.

Инспирација: Модните куќи како Tory Burch и Monse ја преставија во луксузна кожно-сатенска текстура. Се носи во монохроматски изгледи, од реструктурирани палта до ноќни тоалети.

Чоколадна какао-кафеава (Cocoa Powder & Dark Chocolate)

Зошто токму таа: Кафеавата боја доживува своја најзрела еволуција. Заборавете ги светлите тонови на карамела; есента бара длабок пигмент со барем 70% какао. Редакторите на Harper's Bazaar ја опишуваат како главна замена за класичниот црвен или црн крој бидејќи зрачи со топла, земјена елеганција.

Инспирација: Acne Studios и Ralph Lauren покажаа дека темната кафеава совршено функционира на тежок кашмир, плиш и сјаен сатен.

Бордо и „каберне“ црвена (Burgundy & Deep Mahogany)

Зошто токму таа: Црвената не си оди, туку станува уште потемна и побогата. Бордо нијансата е прогласена за синоним на пристапен луксуз, тоа е бојата што прави секој пар чизми, палто или чанта да изгледаат инстантно престижно.

Инспирација: CHANEL и Balenciaga ја поставија како основа за новиот „малку поразличен“ црн фустан (Little Burgundy Dress).

Ледена сина (Icy Blue)

Зошто токму таа: Најнеочекуваниот тренд за студените денови. Според Harper's Bazaar, студената, речиси кристална сина нијанса служи како контраст на темните есенски тонови, носејќи свежина и оптимизам.

Инспирација: Chloé ги комбинираше ледено-сините палета-парчиња со црни кожни акценти за совршен баланс помеѓу нежното и острото.

Тиркизна (Turquoise)

Зошто токму таа: Тиркизната боја официјално ги надминува рамките на летото и прави неочекуван, драматичен премин во есенската гардероба. Според Vogue, нејзината енергичност носи свежина во поладните денови, трансформирајќи ги класичните есенски материјали.

Модната куќа Tove ја престави преку структурно кожно здолниште, Zankov ја стилизираше како свилена блуза во комбинација со маслинесто зелена и црвена, додека 6397 понуди панталони од сомот. Кај Valentino и Jacquemus, тиркизната беа поставена во центарот на вниманието преку впечатливи, изразни тоалети.

„Восочно“ жолта и путер-крем (Wax Paper / Butter Yellow)

Зошто токму таа: Нијансата на путер од претходните сезони се трансформира во покремаста, посуптилна палета со лесен лимонски подтон. Оваа боја делува како совршено сликарско платно што го омекнува есенскиот изглед.

Инспирација: Erdem и Jil Sander ја користат за плетени парчиња и структурни костуми кои се носат во комбинација со чоколадно кафеави детали.

Философија на Сезоната: Како да се носат?

Суштината на есенските колоритни правила не е во слепо следење на палетата, туку во смелоста да се избере една боја со јасен став.

Смели контрасти: Истакната тенденција е спарувањето на студените тонови (ледено сина) со длабоки земјени нијанси (чоколадо).

Монохроматска архитектура: Носењето една боја од глава до пети (од обувки до палто) во богата текстура како кадифе, сатен или кожа е најбрзиот пат до современ, моќен изглед.