ELENA LUKA ANGELS: Ова не е обичен блејзер – ова е моден потпис

Новата колекција на ELENA LUKA ANGELS носи впечатливи уникатни модели во кои врвниот дизајн, богатите материјали и рачната изработка се претвораат во препознатлива модна естетика

ELENA LUKA одамна не е само име на етикета. Тоа е моден потпис препознатлив по силната женственост, прецизните кроеви и креациите кои имаат моќ да го променат целиот впечаток на жената која ги носи.

А најновата колекција SHE IS HERE, во која е и ELENA LUKA ANGELS покажува уште една страна од тој потпис, онаа во која уникатноста станува главниот луксуз.

Не станува збор за парчиња создадени само за да ја исполнат гардеробата.

Туку за модели кои се забележуваат.

Модели со карактер, со внимателно разработени детали и со естетика наменета за жената која не сака нејзиниот стил да изгледа како копија на туѓиот.

Еден од впечатливите примери е структурираниот блејзер „Jakline“ – креација која класичното кроење го претвора во вистински моден предизвик.

Основата е изработена од богат металик чипкаст жакард во суптилна комбинација на жалфија зелена и нежно розови тонови, палета која на прв поглед делува нежно, но преку деталите добива многу посилен карактер.

Највпечатливиот момент доаѓа на реверите и ракавите.

Црната тантела е рачно аплицирана, надополнета со тродимензионални монистра, создавајќи релјефна површина која го фаќа светлото и му дава на блејзерот речиси couture ефект.

Токму ваквите детали се оние што едно парче го одвојуваат од класичниот ready-to-wear пристап.

„Jakline“ ја задржува структурата на добро скроен блејзер, има класичен notch ревер, едноредно закопчување и декоративни преклопни џебови, но наместо да остане во границите на класичното tailoring парче, ELENA LUKA го надградува со рачна декорација и богата текстура.

Резултатот е необична рамнотежа меѓу строгоста на кројот и раскошот на couture деталите.

Комбиниран може да биде со свилен мини-фустан, така блејзерот добива уште посовремен карактер, доволно елегантен за свечена пригода, но со доволно силен дизајнерски печат за да функционира и како централно парче на модниот изглед.

УНИКАТНОСТА КАКО ПОТПИС

И токму тука се препознава идејата зад најновата ELENA LUKA ANGELS колекција.

Таа не зборува само за облека.

Зборува за жената која сака да биде препознаена по сопствениот стил.

За жените кои се амбасадорки на брендот, но и за секоја жена која во модата бара нешто повеќе од актуелен тренд – квалитет, оригиналност, добар дизајн и естетика која има сопствен идентитет.

Затоа ваквите парчиња имаат посебна улога во колекцијата.

Може да се носат со едноставен фустан и да го преземат целиот изглед.

Може да се комбинираат со панталони и да создадат моќна деловно-вечерна силуета.

А можат да бидат и оној единствен statement елемент кој на минималистичката комбинација ѝ дава целосно нова енергија.

Еден блејзер. Безброј начини да биде ваш.

А сепак, неговата најголема вредност останува во она што не може лесно да се реплицира – деталот.

Металик жакардот.

Слоевитата тантела.

Рачно поставените апликации.

Тродимензионалните монистра.

И внимателно конструираната силуета.

Тоа е естетиката на ELENA LUKA ANGELS во своето највпечатливо издание, современа, женствена и смела, но доволно префинета за да не ја изгуби елеганцијата.

За жената која не сака само да биде добро облечена.

Туку сака да биде запаметена.

Креацијата може да се најде во екслузивниот дуќан во ГТЦ Скопје и онлајн

Elena Luka Embellished Blazer - Jakline – ELENA LUKA