Во ерата кога модерниот човек сè повеќе го цени балансот меѓу убавината, здравјето и природата, трендот “green & chic living” станува новото лице на луксузот.
ELENA LUKA HOME ја претставува најновата инспирација посветена на домови што се и стилски, и одржливи, и безвременски убави.
Blue & White Luxury Living — Ексклузивниот тренд што го освојува светот
Сино-белата палета e eстетика која смирува, прочистува и возвишува. Палетата сино-бело е одамна симбол на чистота, спокој и медитеранска едноставност.
Таа создава атмосфера која внесува светлина и свежина, визуелно го отвора просторот и носи „holiday vibe“ и во градски дом. Комбинирана со природни материјали како дрво, ратан и лен естетиката станува безвременска и кралски елегантна.
За современиот луксуз може да се каже дека е одржлив луксуз. Луксузот денес не се мери само со цена, туку со изборот на природни материјали, енергетски ефикасни решенија, паметно осветлување, долговечен мебел и текстили кои се природни, хипоалергени и рачно создадени.
Ова е токму филозофијата на ELENA LUKA HOME — Fashion & Architecture, каде секој проект е комбинација од естетика и свесен избор на материјали.
Природата како најубав декор
Не е потребен пренатрупан декор. Природата сама ја носи најубавата уметност во домот. Тоа може да биде во форма на свежо сезонско цвеќе, гранки од маслинка или цитрус, рачно дувани стаклени вази и керамика во нијанси на сино и бело.
Овој стил создава топол, свеж и светол дом, идеален и за градски апартман и за луксузен покривен стан.
Моќта на рачната изработка
Како што couture модата има душа, така и ентериерот добива душа преку еден единствен, автентичен предмет – рачната изработка.
Во „blue & white luxury“ стилот, најбарани се ратански столици, мозаични плочки, рачно насликани тапети, текстили од лен, рачно насликан порцелан…
Овие парчиња носат карактер, уникатност и емоција, а малите промени создаваат голем ефект. Некогаш за трансформација на просторот доволни се само неколку паметни чекори како:
- промена на тепих во сино-бели линии
- додавање бели ленени завеси
- нови навлаки со рачно печатени шари
- поставување природни дрвени елементи
- нежен сино-бел порцелански сет на масата
Овие мали интервенции прават драматична разлика — без големи работи, без хаос.
Така, можеме да заклучиме дека еден дом може да биде и луксузен, и зелен, и модерен.
Модерниот празник на стилот се случува таму каде што се спојуваат естетиката, удобноста, природните материјали, смиреноста и функционалноста.
Ова е идеалот на ELENA LUKA HOME – да создаде домови кои не се само убави, туку и пријатни, здрави и одржливи.
