Кога партерот станува продолжение на домот

Квалитетната архитектура не завршува со фасадата. Таа продолжува на нивото на човекот, во просторот во кој се пристапува до објектот, се движи, престојува и комуницира со околината. Токму затоа партерното уредување е еден од важните елементи на современата архитектура.

Партерот ја претставува непосредната врска меѓу архитектонскиот објект и просторот околу него. Тој ги организира пристапите, пешачкото движење, зелените површини, местата за одмор, урбаната опрема и другите содржини што му даваат функционалност и карактер на просторот.

Кај станбените комплекси неговото значење е уште поголемо. Добро проектираниот партер може да создаде полујавен простор за заеднички живот, место каде што станарите не само што поминуваат на пат кон својот дом, туку можат да се задржат, да се сретнат, децата да играат, а зеленилото и водените елементи да создадат попријатна микросредина.

Затоа современиот партер сè помалку се третира како преостанат простор околу зградата, а сè повеќе како составен дел од архитектонскиот концепт. Односот меѓу објектот, зеленилото, пешачките комуникации, местата за престој и содржините за различни возрасни групи директно влијае врз начинот на кој една станбена средина се доживува.

Особено важна е интеграцијата на зеленилото. Вегетацијата визуелно ја омекнува архитектурата, создава сенка и придонесува за попријатен амбиент, додека водените елементи, како фонтаните, можат да станат препознатлив визуелен и амбиентален акцент. Просторите наменети за деца, пак, внесуваат дополнителна социјална функција и го прават партерот простор што им служи на различни генерации.

FUTURA: партерот како дел од концептот на домување

Ваквиот пристап е видлив и во FUTURA Complex на ELENA LUKA HOME во Кисела Вода. Комплексот е станбено-деловна целина со четири објекти, вкупна површина од 47.668 квадратни метри и 399 станбени единици, со различни типологии и квадратури.

Но, покрај самите станбени единици и архитектурата на објектите, внимание е посветено и на просторот на земја – партерот. Уште при претставувањето на FUTURA, ELENA LUKA HOME посебно го издвојува партерот, заедно со заедничките простории, влезовите, холовите и коридорите, како дел од целокупното архитектонско решение.

Во партерното уредување на комплексот се интегрирани богато зеленило, фонтана и простор наменет за деца, со што просторот добива функција што ја надминува обичната комуникација меѓу зградите.

Токму таквите елементи го менуваат карактерот на станбениот комплекс. Зеленилото создава природен контраст на современата архитектура, фонтаната станува визуелен и амбиентален акцент, а детскиот простор внесува живот и овозможува партерот да биде активен во различни делови од денот.

Во тој контекст, партерот во FUTURA не е само простор „пред зградата“. Тој е продолжение на идејата за домување, простор кој треба да биде функционален, зелен, безбеден и пријатен за секојдневно користење.

И токму тука се гледа разликата меѓу зграда и добро осмислен станбен комплекс. Архитектурата не е само она што го гледаме над нас. Таa е и она што го доживуваме под нозете.

FUTURA 1 и 2 се веќе изградени и населени, а FUTURA 3 и 4 започнуваат со градба. Повеќето од становите се веќе резервирани, а за подетални информации во врска со становите можете да се обратите на Futura 3-4 - ELENA LUKA HOME