Во време кога Холивуд сè повеќе ја изедначува младоста со совршенството, а естетските интервенции стануваат речиси неизбежен дел од животот на славните, легендарната манекенка Џери Хол останува доследна на својата филозофија.
На почетокот на јули таа го прослави својот 70. роденден, но и понатаму плени со својот препознатлив изглед и самоувереност, без да се обидува да ги сокрие годините.
View this post on Instagram
Поранешната супермоделка, која во текот на 70-тите, 80-тите и 90-тите години беше едно од најпрепознатливите лица на светската модна сцена, вели дека никогаш не се чувствувала како жена во осмата деценија од животот. Големиот јубилеј го прославила во својот дом во Хенли, Англија, во друштво на околу 200 пријатели и членови на семејството, покажувајќи дека возраста не е причина човек да се откаже од животните задоволства.
View this post on Instagram
Иако денес е баба на три внуци, Хол и понатаму снима модни едиторијали и е убедена дека жените не треба да се срамат од своите години, ниту да се обидуваат да изгледаат како некој друг.
Брчките не ги крие – ги прифаќа
За разлика од многу славни личности кои се потпираат на ботокс, филери и естетски процедури, Џери Хол никогаш не почувствувала потреба да го направи тоа.
„Што не е во ред со брчките? Имам многу од нив и воопшто не ми пречат. Имам 70 години и сосема е нормално да имам брчки. Не сакам да изгледам неприродно, ниту да ги плашам моите внуци“, изјавила таа во интервју за британските медиуми.
View this post on Instagram
Истата филозофија ја применува и кога станува збор за негата на лицето. Наместо скапи козметички третмани и производи што ветуваат вечна младост, користи природна козметика и намерно избегнува препарати означени како „anti-aging“.
„Никогаш не купувам производи на кои пишува ‘против стареење’. Самото име ми звучи навредливо“, вели Хол.
Никогаш не стапнала во теретана
Можеби најизненадувачкиот дел од нејзината животна филозофија е фактот што никогаш не била љубител на фитнес центрите.
Наместо часови поминати во теретана, својата физичка форма ја одржува преку долги прошетки, јога и работа во градината околу својот дом, каде што, како што признава, сака да поминува голем дел од денот.
View this post on Instagram
Со години практикува и холистички начин на живот. Веќе три децении е приврзаник на ајурведата – древниот индиски систем на медицина кој се темели на рамнотежата помеѓу телото, умот и духот.
Двапати годишно посетува ајурведски лекар кој преку проверка на пулсот, билни терапии и препораки за исхрана го следи нејзиното здравје.
„Ми го проверуваат пулсот, ми препишуваат билки и ми кажуваат која храна треба да ја јадам, а која да ја избегнувам. Масажите со масла се прекрасни. Тоа е како целосна детоксикација на организмот. Така живеам веќе 30 години и навистина ми одговара“, открива таа.
Не се откажува од своите пороци
Иако внимателно избира што јаде, Џери Хол никогаш не криела дека има навики од кои нема намера да се откаже.
„Обожавам чаша вино со ручек и уште една со вечера. Ако имам гости, виното е задолжително.“
Освен што секојдневно ужива во розе вино, признава и дека пуши околу десет цигари дневно.
Сепак, со текот на годините значително ја променила исхраната. Додека како тинејџерка во Париз не можела да одолее на кроасани, леб и чоколаден мус, денес целосно ги избегнува десертите и рафинираниот шеќер.
„Шеќерот навистина е штетен за организмот“, вели таа.
Нејзиното дневно мени најчесто се состои од органско овошје и зеленчук, јајца или овесни снегулки за појадок, супи и салати за ручек, а за вечера најчесто избира риба, пилешко месо или разновидни чорби.
Возраста не е причина да се откажете од стилот
Џери Хол отсекогаш била препознатлива по својата долга руса коса, а не размислува да ја промени ниту денес.
Таа смета дека постои застарен стереотип според кој жените, кога ќе остарат, мора да ја скратат косата, да носат безлична облека и да се откажат од гламурот.
„Постојано слушам дека жените кога стареат треба да имаат кратка сива фризура. Искрено, мислам дека тоа изгледа ужасно. Треба да се бориме за правото да старееме достоинствено и убаво.“
View this post on Instagram
Истото важи и за облекувањето.
„Забавно е да се носи облека што одговара на вашата фигура. Имав среќа да ја задржам својата, па не гледам причина да не го носам она што ми се допаѓа.“
Убавината, според неа, нема рок на траење
И по седум децении живот, Џери Хол останува верна на принципите што ја направија модна икона – природност, самодоверба и прифаќање на сопствените години.
View this post on Instagram
Наместо да се обидува да го запре времето, таа избира да живее според свои правила: без ботокс, без теретана, со многу природа, едноставна нега, органска исхрана, по некоја чаша вино, неколку цигари и уверување дека вистинската елеганција никогаш не зависи од бројот на свеќичките на роденденската торта.