Пет модни правила од Одри Хепберн што и денес функционираат

Одри Хепберн остави и еден од најпрепознатливите стилови во историјата на модата.

Интересно е што многу од парчињата што таа ги носеше пред повеќе од половина век и денес изгледаат современо. Нејзината тајна не била во следењето на секој тренд, туку во неколку едноставни правила.

Едноставноста секогаш изгледа добро

Одри често носела едноставни силуети без непотребни детали. Црни панталони до глужд, едноставна блуза, балетанки или миди фустан биле доволни за да создаде препознатлив изглед. Наместо комбинацијата да биде полна со детали, вниманието било насочено кон линијата на облеката и целокупниот изглед.

Црната боја може да биде доволна

Одри е силно поврзана со црната боја, особено по нејзината улога во „Breakfast at Tiffany’s“.Таа често носела црни панталони, црни топови, едноставни фустани и црни балетанки. И денес целосно црната комбинација може да изгледа моќно и елегантно, особено кога има чисти линии и не е преоптоварена со додатоци. 

Добро скроеното парче е поважно од трендот

Една од најважните лекции од стилот на Одри е дека облеката не мора да биде комплицирана за да изгледа добро. Таа често носела парчиња со јасен, прецизен крој кои природно ја следат силуетата без да бидат претерано тесни. Тоа е правило кое вреди да се примени и денес. 

Балетанките можат да бидат елегантни

Одри е една од жените кои помогнаа балетанките да станат дел од препознатливиот женски стил. Таа често ги носела со панталони до глужд, фустани и едноставни секојдневни комбинации. Денес ова е особено практично правило. Квалитетни балетанки можат да изгледаат многу елегантно со миди фустан, широки панталони или класични фармерки.

Еден препознатлив детаљ е доволен

Одри знаела како една мала работа да стане дел од целото визуелно препознавање. Марама околу вратот, големи очила, едноставни бисери или впечатливи обетки можеле да бидат доволни за да ја заокружат комбинацијата. Ако носите едноставна комбинација, не ви требаат десет додатоци. Одберете еден детаљ – интересни очила, свилена марама, часовник, обетки или убава чанта – и оставете тој да биде главниот акцент.