Заменувајќи го сончевиот Монтесито со сончевиот Мелбурн, Принцот Хари и Меган Маркл пристигнаа во Австралија во понеделникот навечер, осум години по нивната прва посета како младенци, кога ја имаа својата прва прекуокеанска турнеја по кралската венчавка. Во годините потоа, двојката се повлече од улогите на високи членови на кралското семејство и започна нов независен живот во Калифорнија, но и понатаму организираа низа хуманитарни ангажмани за оваа неформална турнеја, која ги однесе во Мелбурн, Канбера и Сиднеј.
Како изгледа гардеробата на Меган за „кралската турнеја“ денес?
Животот можеби изгледа сосема поинаку од последниот пат кога беше во Австралија, но изборот на Меган за првиот ден не беше големо отстапување од нејзината оригинална турнејска модна формула. Таа носеше фустан без ракави од австралискиот бренд Karen Gee (и понатаму практикува дипломатско облекување и по напуштањето на палатата), комбиниран со чевли од Dior и накит од Real Fine Studio.
Монохроматскиот стил останува константа во јавната гардероба на војвотката. Таа најчесто се држи до неутрални крем и каки тонови, палета на која се потпре и за време на турнејата во Јордан претходно оваа година, кога носеше повеќе комбинации од Veronica Beard.
Истиот минималистички пристап повторно беше видлив преку велур здолниште и јакна од St Agni, уште еден австралиски бренд, кои ги избра за посетата на Австралискиот национален музеј за уметност на ветерани.
Во четвртокот (16 април), војвотката повторно се сврте кон австралиска мода, избирајќи shift фустан од Friends with Frank, комбиниран со салонки од Manolo Blahnik, винтиџ обетки од Chanel и камел мантил кој го носеше врз маица од Alliance of Moms со натпис „Mama“.
За посетата на клубот Bondi Surf Bathers’ Life Saving Club во петокот (17 април), таа избра предимензионирана кошула од Matteau и крем фармерки од Rolla’s, а подоцна и trench капут за да присуствува на рагби натпревар во последната вечер од нивната посета.
И сакала или не, повторно стана интернет сензација со овие изгледи.
Н.Т