Широки панталони: Малите правила што ја прават разликата

Широките панталони одамна не се само удобна алтернатива на тесните модели.

Со вистинската комбинација можат да изгледаат неверојатно елегантно, но ако се спојат со погрешни парчиња, лесно можат да ја „проголтаат“ силуетата. Клучот не е во строги правила, туку во рамнотежата.

Пократкиот горен дел често е одличен избор

Кога панталоните се широки и имаат висок струк, топ или кошула која завршува околу струкот може да создаде убава пропорција. Не мора да носите ништо тесно, доволно е горниот дел да не биде предолг и премногу обемен.

Блејзер? Да, но внимавајте на должината

Широките панталони прекрасно одат со блејзер, особено кога сакате пософистициран изглед. Ако и панталоните и блејзерот се многу долги и предимензионирани, сепак, целата комбинација може да изгледа тешко. Добар избор е блезер со јасна линија на рамениците или малку пократок модел кој ќе даде структура на комбинацијата.

Белата кошула е полн погодок

Ако не знаете што да облечете со широки панталони, почнете со класична бела кошула. Таа внесува чиста линија и прави комбинацијата да изгледа средено без премногу труд. Со мокасини, балетанки или едноставни сандали добивате дневен изглед, а со впечатлив накит и елегантна чанта лесно можете да го претворите во комбинација за вечер.

За издолженост одберете исти бои

Широки панталони и горен дел во слична нијанса создаваат непрекината вертикална линија и можат визуелно да ја издолжат фигурата. Не мора да биде буквално иста боја, крем со беж, темносина со сина или различни нијанси на сива функционираат одлично.

Не мора секогаш да носите високи потпетици

Ова е добра вест за сите што сакаат удобност. Широките панталони одлично изгледаат и со рамни обувки како мокасини, балетанки, минималистички сандали или чисти патики. Најважно е должината на панталоните да биде прилагодена на обувките. 

И фармерките влегуваат во комбинација

Широките фармерки не мора да изгледаат младешки или премногу лежерно. Со добра кошула, блејзер, квалитетна чанта и едноставни обувки можат да изгледаат многу софистицирано. Трикот е во останатите детали, колку е поедноставна комбинацијата, толку повеќе внимание паѓа на кројот и квалитетот на парчињата.