Милано дизајн вик претставува една од најважните светски манифестации посветени на современиот дизајн, архитектура и ентериер. Секоја година, градот се трансформира во глобална сцена на иновации, каде што водечките дизајнери, архитектонски студија и луксузни брендови ги претставуваат најновите концепти во мебел, светлосен дизајн, декоративни предмети и експериментални инсталации. Настанот не е само изложба, туку и културен барометар кој ги покажува насоките во кои се движи идниот начин на живеење и просторно обликување.
Во последните години, се забележува јасен тренд! Големите модни куќи сè повеќе се вклучуваат во светот на ентериерниот и мебелниот дизајн. Брендови како Louis Vuitton, Gucci, Prada, Dior Maison, Hermès, Fendi Casa и Armani/Casa, заедно со дизајнерски студија како Raw Edges, Estudio Campana, Patricia Urquiola и Dimorestudio, сè почесто ги прошируваат своите модни идентитети во креирање на предмети за домот. Оваа еволуција ја замаглува границата меѓу модата и архитектурата, претворајќи го ентериерот во продолжение на модниот израз.
Louis Vuitton и враќањето кон Арт Деко наследството
Louis Vuitton и враќањето кон Арт Деко наследствотоЕден од најзабележителните проекти на овогодинешниот Милано дизајн вик е новата поставка на Louis Vuitton, сместена во историскиот Palazzo Serbelloni. Под насловот „Objets Nomades“, изложбата претставува вистинска временска капсула инспирирана од Арт Деко периодот и делото на дизајнерот Pierre Legrain (1888–1929), кој ја создал првата линија мебел за куќата.
Во центарот на изложбата се наоѓа реизданието на првото парче на брендот, „Celeste“ тоалетна масичка, сега изработена во оригинална Omega форма, со лакирано дрво и Nomade кожа. Изложбата продолжува со оживување на „Riviera Chilienne“ столчето, кое комбинира дрво, кожа и перласта интарзија.
Во различни тематски простории, посетителите се среќаваат со ретки архивски патнички куфери на Louis Vuitton, поставени во дијалог со современите „Objets Nomades“ креации.
Во Boudoir просторот се издвојуваат „Cabinet Kaléidoscope“ со сложена кожна интарзија и скулптуралниот „Cocoon Dichroic“ стол, дизајнирани од Estudio Campana со придонес од Géraldine Gonzalez.
Современата визија ја заокружува „Stella“ фотелјата од студиото Raw Edges, поставена во Grand Foyer, која носи поапстрактен и футуристички јазик, спротивставен на историскиот контекст на изложбата. Изложбата е отворена за јавност од 21 до 26 април 2026 година.
Дизајн меѓу природа, технологија и перцепција: XL Extralight и Nichetto
Дизајн меѓу природа, технологија и перцепција: XL Extralight и NichettoПокрај луксузните модни куќи, Милано оваа година е сцена и на иновативни материјални експерименти. Еден од нив е проектот XL Extralight x Nichetto Studio, претставен во Spazio BIG во 5Vie дистриктот.
Во центарот на инсталацијата се наоѓа „Airstone“ чантата, изработена од лесен материјал базиран на најмалку 51% рециклиран индустриски отпад. Иако е ултра лесна, чантата визуелно наликува на тежок камен. Процесот на изработка комбинира рачно резбање, 3D скенирање и дигитална реконструкција, создавајќи објект кој ја истражува границата меѓу природната форма и технолошката прецизност.
Дизајнерот Luca Nichetto го опишува проектот како експеримент во перцепција, објект кој намерно ја доведува во прашање врската меѓу тежина и леснотија, материја и илузија. Инсталацијата вклучува скулптурални форми, метални подиуми и контрастни колористички акценти, претворајќи го просторот во лабораторија за современ дизајн.
Новата насока на дизајнот
Новата насока на дизајнотОд ваквите примери станува јасно дека Милано дизајн вик повеќе не е само изложба на мебел, туку платформа каде модата, уметноста, технологијата и индустрискиот дизајн се спојуваат во една целина. Луксузните модни куќи сè поизразено го прошируваат својот јазик во просторот на ентериерот, создавајќи нова ера во која домот станува продолжение на модната писта.
Н.Т