Модните награди ја обединуваат глобалната модна заедница во Лондон – домот на модата и креативноста – со цел да ги истакнат лидерите на промената, да ја прослават извонредноста и да ја поддржат следната генерација креативни таленти. Настанот претставува главен хуманитарен настан за Фондацијата на Британскиот моден совет (BFC Foundation), која го поддржува идниот раст и успех на британската модна индустрија преку фокус на образование, доделување грантови и менторство за бизниси. Модните награди, не само што го насочуваат вниманието кон исклучителните придонеси на новите и веќе етаблираните културни модни лидери, туку и ја зголемуваат свесноста за клучната работа на фондацијата.
Како и претходните, така и оваа година на едно место се собраа ѕвездите од А- листата. Но, наместо црвен, имаше син килим.
Анок Јаи во Дилара Финдиикоглу, Алекс Консани во Меквин, Лила Мос во 16Арлингтон – листата на гости на „Модните награди„ беше исполнета звучни имиња, облечени во најжешките лондонски брендови. Но не беше само моделскиот контингент тој што ја претстави врвната модна уметност на новиот син килим. Водителот Колман Доминго ја покажа својата холивудска сила во низа кроени модели, додека новопрогласената културна иноваторка на вечерта, Лител Симз, носеше „Неделна свеченост“ од Толу Кокер, а Лили Ален ја продолжи својата вкусна серија „одмазднички фустани“ во Валентино.
Се разбира, тука беа и вечните фаворити без кои ниту една листа на најдобро облечени не би била целосна. Алекса Чанг беше присутна и беспрекорна во Клоé. Адвоа Абоа одржа вистински час по елегантни монохроматски комбинации преку „The Row“. А Сиена Милер ја приреди највпечатливата објава на бременоста во проѕирен бел фустан од Живанши, кој изгледаше навистина етерален.
Ова е листата на наградени за 2025 година:
Дизајнер на годината
Рик Овенс за Rick Owens
Мартин Роуз за Martine Rose
Вили Чаварија за Willy Chavarria
Џонатан Андерсон за Dior и JW Anderson
Миуча Прада за Miu Miu
Глен Мартенс за Diesel и Maison Margiela
Британски дизајнер на женска мода на годината
Симон Роша за Simone Rocha
Ема Чопова и Лора Ловена-Ајронс за Chopova Lowena
Сара Бартон за Givenchy
Шарлот Ноулс и Александре Арсено за Knwls
Ердем Моралиоглу за Erdem
Британски дизајнер на машка мода на годината
Кико Костадинов за Kiko Kostadinov
Крег Грин за Craig Green
Николас Дејли за Nicholas Daley
Фодај Думбуја за Labrum London
Стефан Кук и Џејк Барт за Stefan Cooke
Грејс Вејлс Бонер за Wales Bonner
Награда „Вангуард“
Арон Еш за Aaron Esh
Дилара Финдиикоглу за Dilara Fındıkoğlu
Фебен за Feben
Стив О Смит за Steve O Smith
Толу Кокер за Tolu Coker
Торишеју Думи за Torishéju
Модел на годината
Анок Јаи
Награда „Изабела Блоу“ за моден креатор
Реи Кавакубо, Адриан Џофи и Дикон Боуден
Специјална признание
15 години на BFC Fashion Trust
Специјално признание
Делфин Арно
Специјално признание
25 години Fashion East
Награда за извонредно достигнување
Брунело Кучинели
Награда за културен иноватор
Лител Симз
Награда „Пандора“ за стилски момент на годината
Сем Вулф
А, вака изгледаа дел од најдобро облечените гости. Доминираше секако гламур, зачинет со доза на елеганција и екстраваганција.
