Дилема на сезоната: Кратка или долга јакна?

Есента е периодот кога јакната повторно станува еден од најважните делови од секојдневниот стајлинг.

Но, кога треба да избереме нов модел, често се поставува истото прашање: Кратка или долга? И двете можат да изгледаат одлично, но создаваат различна силуета и се комбинираат на различен начин.

Кратката јакна ја нагласува половината

Кратките есенски јакни, кои најчесто завршуваат околу половината или малку под неа, се одличен избор за оние кои сакаат поизразена силуета и визуелно подолги нозе. Особено добро изгледаат со фармерки, панталони со висок струк и здолништа.

Ако носите пошироки панталони или фармерки, кратката јакна создава убав баланс меѓу горниот и долниот дел од комбинацијата. Со чизми до глужд или мокасини добивате едноставен есенски изглед кој лесно функционира и за работа и за секојдневни обврски.

Долгата јакна е за издолжена силуета

Долгите есенски јакни, особено оние што завршуваат околу колената или малку над нив, имаат поелегантен и пософистициран изглед. Тие се одличен избор кога сакате целата комбинација да изгледа посмирено и визуелно издолжено.

Овој модел особено убаво се комбинира со панталони со права или тесна ногавица, фармерки, чизми и едноставен плетен џемпер. Долгата јакна може да биде и одлична над фустан, бидејќи создава една непрекината вертикална линија.

Кој модел е подобар за пониски жени?

Пониската висина не значи дека треба да се избегнува долга јакна. Најважно е каде завршува моделот и како е стилизиран. Кратка јакна со панталони или фармерки со висок струк може визуелно да ги издолжи нозете, додека долгата јакна во еднобојна комбинација може да создаде убава вертикална линија.

За нагласена половината?

Тука кратката јакна има мала предност. Модел кој завршува во пределот на струкот природно ја нагласува најтесната линија на телото, особено ако се носи со панталони или здолниште со висок струк.

Но, и долгата јакна може да ја нагласи половината. Изберете модел со ремен или носете ја отворена преку потенок џемпер, а половината дополнително нагласете ја со панталони со висок струк.

Со што најдобро се комбинира кратката јакна?

Кратката јакна одлично функционира со фармерки со висок струк, широки панталони, здолништа и фустани. Ако јакната е пократка и пообемна, остатокот од комбинацијата нека биде посмирен.

Со што најдобро се носи долгата јакна?

Долгата јакна е одлична над фустан, со фармерки или со панталони со права ногавица. За есенски изглед со повеќе слоеви, под неа можете да носите тенок џемпер, кошула или елегантен кардиган.