Памела Андерсон повторно го привлече вниманието на јавноста со своето појавување на Берлинскиот филмски фестивал 2026, каде што се појави по повод премиерата на филмот Rosebush Pruning. Нејзините стајлинзи таму беа вистинска модна приказна, со јасна порака за елеганција, зрелост и природна убавина.
За дневниот стајлинг актерката избра впечатлив, но софистициран изглед кратко фустанче со винтиџ цветен дезен и црн раб. Стајлингот го надополни со темни очила, тенки црни чорапи и класични високи потпетици, создавајќи холивудски шик со доза на мистерија. Овој изглед беше повеќе драматичен и модно изразен, со силен ретро карактер.
Вечерта, на црвениот тепих, Памела направи целосна трансформација. Се појави во романтична пастелна креација, комбинација од розово и нежно зелено, со раскошна наметка која се движеше додека чекореше. Силуетата беше мека, а целиот изглед зрачеше со елегантна женственост. Шминката, како и во последните години, остана минимална и природна.
На доделувањето на Golden Globes 2026, Памела исто така покажа дека нејзиниот нов стил се темели на минимализам, елеганција и природна убавина. Наместо класична гламурозна тоалета, таа избра неочекувано софистициран и „тивок“ изглед во целосно бела боја, кој веднаш привлече внимание на црвениот тепих.
Нејзиниот стајлинг беше составен од бела елегантна Ferragamo кошула со длабоко V-деколте и долга флуидна здолниште, комбинација што изгледаше истовремено класично и модерно. Чистите линии и едноставниот крој создадоа впечаток на безвременска елеганција, додека монохроматскиот бел изглед делуваше свежо и различно од типичниот холивудски гламур.
